最近小編一放假就鍾意去新界行下,所以就跟大埔地膽去搵食,遊走大埔墟至大埔中心一帶,幾乎每條街都佈滿食店,估唔到真係大有收穫,最後攬住個肚出返嚟!忍唔住要分享下呢個呢個大埔美食懶人包,精選咗以下呢5間大埔街坊都話正餐廳,佢地各具特色,好似去左旅行咁,我每餐都仲帶埋包Kill Meal嘅大餐急救,咁就唔止一餐急救,餐餐都急救啦!所以大家以後唔好以為新界區只有荃灣、元朗呢啲地方先有好嘢食,大埔一樣有,仲有好多。以後入大埔,就唔好凈係識去踩單車同燒烤場喇!

1. 水門雞飯

▲水門雞飯,油飯好入味,雞嘅肉質都好嫩滑,即使係雞胸肉亦都唔會好韌,係香港都食到泰國水門雞飯,必食!!(網上圖片)

芒果糯米飯,個芒果好甜有花香味,配上煙煙靱靱嘅糯米飯同上面既脆脆,有幸福嘅感覺。

(網上圖片)
2. PARK Cafe

香煎美國安格斯西冷牛扒,牛味好重,配菜好好味,翠肉瓜同菇都用牛油炒過,另外薯角都唔失色, 推薦!

黑毛豬斧頭扒,熟度岩岩好,豬味都濃烈,有咬口得黎幾嫩,就咁食都好夠味,想重口啲仲可以配埋個汁食。

(網上圖片)
3. 木船

椰青海鮮焗飯簡直係重點要食嘅!係三重椰汁味嘅享受!最上面有多到漏嘅椰漿,仲加埋火炙過嘅芝士,飯裏面亦有買椰肉,再配埋旁邊個杯椰汁,成個椰青用盡晒,完全唔浪費。

原隻菠蘿,而且啲菠蘿串到好高,仲有兩隻虎蝦係上面!炒飯加左肉鬆、蛋、雞肉,同埋其他配料,所以食落口感好豐富。 (網上圖片)

4. 暢和麵家

▲花雕醉雞必食,最怕有雪味但呢個唔會,而且花雕味好重,好入味雞肉亦爽彈嫩滑,發現左新食法就係將花雕醉雞汁加入湯粉,不妨試吓!!

大埔美食懶人包( 地膽推介) - KILL MEAL 一餐急救 大餐急救

5. 三不館車仔麵

三餸車仔麵既食材都係每日新鮮製造,這裡的車仔餸全部都高質又入味,必點的一定是豬紅,入味而軟滑,完全沒有腥味!!!

雞翼尖整得好入味,雖然雞翼尖既肉比較少,但肉質好嫩口,愈食愈上引!!! (網上圖片)