近年多咗唔少人入屯門搵嘢食,今日就同大家介紹一下屯門地膽推薦嘅TOP5餐廳,帶大家入屯門食好西!!
屯門餐廳懶人包
1. 炻板燒


▲吉列牛板腱幾好食,每個set會有6塊,而且每塊牛肉味都幾濃,唔會太肥唔會太瘦,食落好稔好嫩,不過佢就無任何調味嘅,所以燒完要點返啲醬汁食就啱啱好。(網上圖片)

▲封門柳好厚身,係牛既橫隔膜肌肉,所以油花比其他部位少,肉味更淳厚濃郁。質感比較腍,彷彿入口即溶。(網上圖片)
2. Food Combo


▲西班牙海鮮飯配焦糖青檸雞翼,海鮮飯好足料 有青口、蝦、帶子同無數嘅墨魚仔,仲有辣肉腸,最驚喜嘅係帶子,因為佢係差不多刺生級嘅帶子,雞翼個汁酸酸甜甜,好好味~~(網上圖片)

▲西冷扒煮得好嫩滑,煮得剛好熟,帶有少少粉紅色,入口又幾重牛味,不錯。
(網上圖片)

3. 嘆甜品


▲焦糖脆脆花生醬窩夫,窩夫外脆內軟,而且係成塊上,啲花生醬夠多夠濃,基本上係可以每一細塊嘅窩夫都可以沾滿花生醬,真係估唔到窩夫同花生醬又幾夾,平時好少食到依種味道嘅窩夫。(網上圖片)

▲炸燒賣灑上淮鹽提升味道,配上酸甜醬,認真絕配,滋味無窮!(網上圖片)


4. 東屋台


▲鰻魚好香,魚身雖算不上超厚,但都肥美有口感,仲有少少焦香,鰻魚汁配飯真係無得頂~~(網上圖片)

▲芝士奶蓋桂花烏龍茶。茶底仲有四桂春、玫瑰烏龍、茉莉烏龍等等。味道剛剛好。奶蓋好厚,唔會太稀,口感夠滑。(網上圖片)
5. 仙桃居


▲蕃茄豬扒湯米線,唔用茄膏但用鮮茄,所以個湯底比較清淡,但夾埋舊豬扒鹹鹹哋就啱啱好,同埋不得不提,個份量真係超級超級多!!(網上圖片)

▲豬扒醃得幾香,而且煎得岩岩好,食落唔會太干身。肉燥就比較驚喜,因為佢隻味好惹味,份量都好多。(網上圖片)