| 長州美食Top 5 | 地膽懶人包 | 地區美食 |
長洲餐廳全攻略
首先，要到中環5號碼頭坐普通船（需時約60分鐘）／高速船（需時約30分鐘）到達長洲。（網上圖片）
長洲有好多賣各種紀念品同小食。碼頭入口最多，要行入少少先無咁多人。黎到緊係即刻搵啲野食啦！ （網上圖片）
漁樂
呢款好推介，墨魚真係又滑又彈牙，十分好食，同平時食到嘅差太遠了，推介～～（網上圖片）
脆香去骨鱭魚，外面魚身炸到脆卜卜，但內裡魚肉很滑，值得一試～（網上圖片）
長洲建築同街道都好有特色，呢到有種當地既氣氛。（網上圖片）
有好多唔同種類既咸魚賣，都係當地人親手製作。（網上圖片）
最出名既打卡地點莫過於呢整片愛心鎖牆，每個鎖都寫上自己既願望同祝福。行到累個陣，不妨入黎坐陣，飲返杯椰皇冰滴咖啡。（網上圖片）
啡寮
椰皇係即叫即開，以原個新鮮椰皇奉上，非常特別。採用了烏干達冰滴咖啡， 與撬開倒出椰皇水混合，感覺清甜解渴，咖啡味雖然不會好濃，但係非常甘醇。（網上圖片）
檸檬蜂蜜冰滴咖啡，飲得出咖啡水準幾高。混合埋檸檬同蜂蜜，味道幾清新同埋成件事幾夾。推介～（網上圖片）
東灣海灘好熱鬧，好多人會去玩沙玩水同影相，黎長洲必去既地點。如果肚餓，都可以去火車頭酸辣小窩食飯。（網上圖片）
長洲角酪
甘露角酪，酸奶飲落去好滑，味道唔會話太濃，酸奶配係芒果同西柚好特別。 最特別嘅係有少少紫糯米，黏黏韌韌增加口感。好似飲得到嘅芒果糯米飯。（網上圖片）
水果大馬士革，呢款水果茶用上多款唔同新鮮生果製成，當中包括有火龍果、熱情果、橙、西瓜等， 飲落去酸酸地甜甜地，但都有茶的香味，有種開胃消滯既感覺！（網上圖片）
下一個目的地就係張保仔洞，要行大約15-20分鐘先到呢個入口，如果唔想咁辛苦都可以借單車踏過去，途中都可以欣賞海邊景色。（網上圖片）
張保仔洞洞口好黑同好窄，如有需要，要用手電筒。張保仔洞有好多奇形怪石。（網上圖片）
好多人都會同影相。洞外比海水包圍住，海風吹過黎都好舒服，景色都好靚！！ （網上圖片）
火車頭酸辣小窩
煙鴨胸配秀珍菇蕃茄米線，仲包一杯飲品。依個蕃茄湯底都幾濃郁鮮甜，仲有蕃茄蓉，煙鴨胸和秀珍菇都幾好味，味道食落會好夾。（網上圖片）
紫薯網卷就有啲特別，一咬落去啲蕃薯就咇出嚟，外面好脆口同蕃薯好夾，不過佢即炸起所以要小心熱，小心食個陣會燙親。（網上圖片）
回到 | 地區美食目錄 -----> |
